SADMA

Chale the seena taane jo,
Talaash me apni Manzil ke
Sawaar Kishti me akele jo,
Talaash me apne Saahil ke
Umang bhare Aas-O-Armaan liye jo,
Talaash me apne ‘Aman’ ke
Ummidon aur Sapno ko sajaaye jo,
Koshish me chune ko Gagan ke.

Ushma Suraj ki jalaa na saki jise
Chhaya Chand ki lubha na saki jise
Lehrein Tufani Samandar ki duba na saki jise
Mehak Phoolon ki mehka na saki jise
Dhokhe raahgiro ke dagmaga na sake jise
Mastiyan zindagi ki behka na saki jise
Kadam wo kaante ladkhada na sake jise
Chotiyan Chattano ki tod na saki jise.

Jism ko jaise jalaa sa diya uske
Kadmo ko jaise ladkhada sa diya uske
Moti sapno ke bikher se diye uske
Pul Ummidon ke tod se diye uske
Wajud ko jaise mita sa diya uske
Rooh ko jaise kachot sa diya uske
Jeene se pehle zindagi ko dafna sa diya uske
Ek Zinda Laash jaise bana sa diya Uuse –

Zindagi ke ek kadwe Sach bhare ‘SADME’ ne,
Dilo aur Rishton me chipe Dard bhare ‘SADME’ ne,
Pyaar ki aad me basi Nafrat bhare ‘SADME’ ne,
Zindagi ke ek kadwe Sach bhare ‘SADME’ ne.

‘BETI’ – Apni ya Parayi ??

Jise hai kehte sab ‘Raj-Dulari’.
Kisi ke hoti hai woh ‘Sapno Ki Rani’.

Mehnat, Lagan, Pyaar, Parwah ki Potli.
Hoti hai najuk si woh ek Kali.

Karti khushi se, har Mehnat-Majduri.
Rishte har apne, bakhubi woh Nibhati.

Samajh se Sabki parey
Seene me apne Dard woh Dabati.

Muskaan chehre pe, Haya aankhon me rakhti.
Aansu har pikar, Pyaas apni woh bujhati.

Rakhti samet ke apne me saari
Sujh, Bujh, Parakh aur Samajhdari.

Kahaati woh Lakshmi aur Saraswati.
Aur ban jati waqt pe, Kaali ya Kalyani.

Phir bhi layak is nahi samjhi jaati.
Keh sake uuse koi apni Pareshani.

Gham apna chipati, Khushi sabko deti.
Kehne se kuch katrati, Kyun dus baar sochti ?

Dikhati hai Duniya sabhi ko wohi.
Duniya yahi uuse kyun phir Sabak Sikhati ?

Apnakar sabko woh Khushiyan har deti.
Dari aur sehmi si kyun phir khud reh jaati ?

Rehkar goomsoom, Sehti woh har Tanhayi.
Phir bhi kyun ‘BETI’ jaati kahi “PARAYI” ??

Zindagi ke Din hai CHAR !!!!

Na kuchal tu armaan apne har,
karle manmaani apni yaar,
milenge pal na ye baar baar,
Kyonki, Zindagi ke Din hai Char !

Na kar tu teri – meri,
apni karle har khwahish puri,
jeele khulke, har umra yeh teri,
Kyonki, Zindagi ke Din hai Char !!

Fek de naarazgi aur dushmani ka auzaar,
samet ke ghum baat-le tu pyaar,
hoga na koi tujhpe nirbhar yaar,
Kyonki, Zindagi ke Din hai Char !!!

Baandh na dori khudse pachtave ki,
bichad jayega apna har saathi aur sangi,
reh jayengi kewal yaadein, kuch khatti kuch mithi,
Kyonki, Zindagi ke Din hai Char !!!!

Nibhale rishta, apna tu har,
karle dosti sabse, jee bhar bhar,
hogi zarurat sabko teri, baahar aur ghar,
Kyonki, Zindagi ke Din hai Char !!!!!

Jeele Jee Bharke Mere YAAR…………
Kyonki, Zindagi ke Din hai CHAR !!!!!!
Kyonki, Zindagi ke Din hai CHAR !!!!!!

KOHRA

Manzar matwala, mann ko lubhata Nazrana,
Hai lekar aaya, ye mausam Suhana,
Lehrein sheet ritu ki, ched gayi taar taar Mann ka.

Him se ghiri Chotiyan aur
Dhundhlaate hue Wadiyon ko,
Hai chaaya Kohra ghanaa.

Yaad aaya phir – Thand se woh Thithurna,
Aur sukun rahat bhari deta –
Haathon ko angithi par sekna.

Lupt hoti Bahaarein, laayi samaa Patjhar ka,
Hai intezaar ab to, Kohre ke is chatne ka,
Nazar jo aa jaye phir, Mausam Basant Bahar ka.

Meri Ruhani Khushi !!!!

Bana diye aapne Ashkon ko mere Moti
Lauta di Phir se Hoton ko mere Hansi.

Khabar to nahi mujhe manzil ki apni
Raah par aapne chalne ko dikhladi.

Khauf na tha Maut ka bhi hume magar
Ban gaye ek wajah Aap Jeene ki meri.

Dedi aapne mujhe Zindagi ek nayi
Tamanna to bas hai ab ek yahi –

Bator ke Khushiyan Jahan bhar se
Bhardu main Jholi aapki.

Dedu chahe phir main
Lakho Qurbaniyan apni.

Khushi me isi maang lu Rab se mere
Jeene ko phir se ek aur Zindagi,

Jeene ko phir se ek aur Zindagi…….

Main to Ek Insaan hun

Yun to main Akela hi achha hun
Par mujhe aur Tanha to na karo

Nahi sataunga kisiko kabhi ghamon se apne
Par dard se mere yun Anjaan to na bano

Nahi maangi Khushiyan maine kisise, na hi Rab se apne
Jawab apne Sawalon ke maang saku, itna Haq to dedo

Suraj to nahi main, ki khud jal sabko jalaun
Naa hi hun Chand jo Sheetal ho jaun

Lehrein bhi takraa jaaye agar Chattano se
To Patthar bhi tut jaate hai

Ye na bhulo aakhir main to ek Insaan hun
Dil hai jisme aur kuch Jazbaat bhi hai.

Imtihaan lekar mera is tarah, mujhe Kathor itna to na kardo
Tute Shishe ki tarah bikhar jaun aise ki, kabhi phir jud na paun.

Intezaar – Ek Janam Kaa !!

Paas wo hamare nahi to kya ?
Mann me Pyara sa unka Ehsaas to hai.

Nahi hote Surat se unki rubaru to kya ?
Dil me basi unki bholisi ek Murat to hai.

Baatein ho na unse roz to kya ?
Yaadein peechli baaton ki saath to hai.

Hue na hamare wo is Janam to kya ?
Lamhe kuch milkar saath Jeene ka Sukun to hai.

Kar na sake wo Intezaar hamara to kya ?
KHUDA ko hamara har pal Intezaar to hai.

Pade bhi agar dena Imtihaan, Intezaar ka to kya ?
Janam me agle unhe paane ki, sulagti ek Aas to hai.

Kahaawat to hai suni humne ki –
“Umeed Pe Duniya Kaayam hai” !!!!

Jhalak ek mil jaaye unki ab bhi, Kasam Khuda ki –
Lauta denge Maut ko bhi, Kiwad se apni.

“Dor Mere Rishte Ki”

Kamzor itni to na thi, Dor Rishte ki meri,
Ki aaj Apnaake Bandhi, aur kal Aandhi ne todi.

Gustakhiyan ho gayi, kuch yun humse,
Ki keh gaye Ve, “GET RID OF ME” !!

Musibaton me rahe jo Saath, Banke mere Guru, mera Sahara,
Chod de kaise hum Akele Unhe, Mushkilon me unki ??

Bhulaade sab hum, Chahat hai ye unki,
Jaan aur Samajhkar bhi ki –

Naa hue abhi hum Paraaye,
Aur hai bhi itne Khudgarz nahi.

Keh gaye baat Ve, Saralta se jitni,
Kachot gayi Rooh ko mere, Gehraayi se utni.

Kehte to hai Sabhi, Such ise ki –
“GURU BIN HAI GHOR ANDHKAAR”

Anjaan hai Ve is hakiqat se ki –
Andhere me rehkar Jeene ke, Aadi hai Hum nahi !!

Phir bhi kare Jid agar, Ve Apne hi ko Bhulaa dene ki,
Taiyaar hai hum bhi Khelne, Baazi apne Jaan ki.

“Kuch Alfaaz Mere, Kewal Aapke Liye…..”

On this very Auspicious Occasion of ‘BHAI-DUJ’ dated 28th October 2011, with my immense Heartfelt Pleasure & Gratitude, I Publish few Self created Lines describing one of the very Phenomenal, Spectacular, GOD Gifted to me & very closely related Person in my Life, Shri Prasad G. Shastri Sir (from IPCA Laboratories Ltd.), whom I very Proudly look upon as my Elder Brother, my God-Father, my Strength, my 2nd Role Model, whom I would always delightfully like to Follow–N–Obey Forever. With deep Contentment & Pride, I take his words as my Laxman-Rekha.

My words for him goes as follows –

“KUCH ALFAAZ MERE, KEWAL AAPKE LIYE”

Ve to hai Albele, Saikdon me Akele,
Chirag leke dhundo par, is Jahaan me aise ab naa mile.

Dil unka Dariyaa, Pyaar ke ve Sagar hai,
Gote lagao chahe dub jao, Samajhna par unko mushkil hai.

Soch unki Gehri, Hunar Mehnat Lagan Nirali,
Baatein saari sun Mann ko sabke Parkhe, Gyaan ke hai ve khub Vishali.

Nazrein tez-tarrar unki, Chaho Dishaayen jo rehti,
Nazaakat bhari Nazrein rakhte apni sab par, Nigahen kabhi par takrati nahi.

Baaton se ve apni mithi, Dil sabka Jeet hi lete,
Andaaz bhi hai kuch unke apne, Mann mauji woh Matwale.

Armaan lakh samete apne me, Apno ko woh Prerit karte,
Auro ki khushi me Sukh-O-Aman paate, Gam apna har ek bhulake; dusron ka ve apna lete.

Dard sabhi ke jhel jaate, Mann me ve apne gehre,
Na uuf karte na shikan dikhate, Muskaan sada banaye rakhte.

Tufaano, Kathinaiyon se ve gehri, Aap hi Ladte aur Ubharte,
Khud Deepak-Lau ban, Raahe auron ki Roshan karte.

Kadam jinke rehte Zameen pe, Safaltayen bulandiyan asmaan ke chuti,
Mann unka Komal aur Saral, Narmai apni kabhi par jhalkaate nahi.

Pyaar, Adab, Aashish, Apnepan aur Dheeraj ke, Hai ve Aseem Dhani,
Sab par lutate beshumaar, kabhi par dikhlaate nahi.

Fikra pareshaniyan apno ki, Hardum unhe satati,
Samet lete ve apne me sab, Kabhi par jatlaate nahi.

Dil ki har ek baat apne, keh jaate ve bade Adab se,
Bhul apno ki Muaaf karke, samjhate bhi Tarif-e-Kabil; kitni Madhurta se.

Khile ‘GULAB’ hai ve, Jahaan ke in kaante samaan logo me,
Khile ‘KAMAL’ hai ve, Logo ki is kichad samaan bhid me.

Unki Lambi Umra, Tandurusti, Buland Housle aur Salaamati ki, DUA-E-IBAADAT hardum karti hun,
Aise Mahaan Vyakti ke Charno me, PRANAAM mai Shat Shat karti hun.

‘AAKHRI BARSAAT’

Bitenge Mahine Ye Chaar kaise ? Sawal se isi pareshaan karti,
Mann me phir bhi bhar jaati, Umang si ek anokhi aisi,
Fuhar pehle Barsaat ki, Natkhat si who Rimjhim si,
Dikhlaa jaati muddat se tarasti un Nigaho ko, Niharne Khubsurti uus Prakriti ki.

Mehak mithi si, Watan ke apne Mitti ki,
Woh Tarrate Mendhak, Chahakti Chidiyaan, Gungunate geet si – mithi boli Koyal ki,
Woh Matwala Asmaan Indradhanushi, Parbaton ko chumte Megh aur mann ko lubhati Hariyali,
Behte Jheel-O-Jharne, who kal – kal karti Nadi aur Umadte Sagar samete apne me Moti.

Par din to woh ab dur nahi,
Jab machalte aakrosh dikhaane apna, Garajte Baadal aur Kadakti Bijli,
Din hue pure hamaare ye ehsaas dilaati, keh jaati dil se bhaari – Dedo haske Bidaai,
Jhankar aakhiri Barsaat ki, kuch Maayus si kuch Krodhit si.

Aaya waqt hai ab jaane ka Des Paraye, wada laut aane ka par barsaat kar jaati,
Kushi ek taraf hai, pareshaniyon se Barsaat ke Nizaat paane ki,
Gam bhi ki – Natkhatse, Khubsurat, Indradhanushi, Taraane-O-Nazraane dikhlaane, Nigahe Barsaat phir ek baar tarsaa jaati,
Jaane ke gam me barsaat, Aap hi paani me apne Sisakti.

Khud bhi Bhigti, auro ko bhi Bhigaa jaati.